Türkiyə hökuməti əmək məcəlləsinə iş həftəsini 48 saatdan 35-40 saata endirə biləcək qanunvericilik dəyişiklikləri hazırlayacaq.

Bu barədə İqtisadiyyat.az “Sabah”a istinadən xəbər verir.

Məlumata görə, hakimiyyət sektorlara görə fərqlənən əmək qanunlarını birləşdirməyi və məşğulluq sektoru üçün hərtərəfli və vahid tənzimləmə hazırlamağı planlaşdırır.

Qeyd edək ki, 1936-cı ildə Əmək Qanunu iş normasını gündə 8 saat və həftədə 48 saat olaraq təyin edib. Daha sonra 2003-cü ildə Əmək Qanununa yenidən baxılıb və iş həftəsi 45 saata endirilib.

Belə ki, media sektorunda və dənizçilikdə 48 saatlıq iş həftəsi norma olaraq qalıb, digər sektorlarda isə 45 saatlıq iş həftəsi tətbiq edilib.

 

Gözəl Həşimova