Türkiyədə iş həftəsi 40 saata endirilə bilər.

İqtisadiyyat.az xəbər verir ki, bu barədə "Türkiyə" qəzeti məlumat yayıb.

Məlumata görə, 30 milyondan çox işçinin maraqlarına birbaşa toxunan bu məsələ ötən həftə Türkiyənin vitse-prezidenti Cevdet Yılmazın sədrliyi ilə keçirilən iclasda müzakirə edilib.

Belə ki, beş günlük qrafik ilə iş həftəsinin müddəti 45 saatdan 40 saata endirilə bilər. Hazırda həftədə 48 saat işləyən bəzi peşələrin nümayəndələri üçün də iş qrafiki 40 saata endirilə bilər.

Qeyd edək ki, Türkiyədə 1936-cı il "Əmək Qanunu" respublikada əmək fəaliyyəti normasını gündə 8 saat, həftədə isə 48 saat müəyyən edib. 2003-cü ildə ona yenidən baxılıb və iş həftəsi 45 saat olaraq müəyyən edilib.

 

Gözəl Həşimova