Türkiyə daxilində ev satışlarının sayı iyun ayında ötən ilin eyni dövrü ilə müqayisədə 5,2% azalaraq 79 min 313-ə çatıb.

İqtisadiyyat.az xəbər verir ki, bu barədə Türkiyə Statistika Təşkilatı (TÜİK) məlumat yayıb.

Məlumata görə, İstanbulda 13 min 25, Ankarada 6 min 866, İzmirdə isə 4 min 361 ev satılıb. Ən az evin satıldığı vilayətlər üzrə müvafiq olaraq 34 ilə Ərdahan, 40 ilə Hakkari, 44 ilə Tunceli və Bayburt qərarlaşıb.

Bildirilir ki, mənzil satışları yanvar-iyun aylarında ötən ilin eyni dövrü ilə müqayisədə 3,7% azalaraq 545 min 74 olub.

Hesabat dövründə iyun ayında əcnəbilərə mənzil satışı əvvəlki ilin eyni ayına görə 45,1% azalaraq 1440-a çatıb. İyun ayında xaricilərə mənzil satışının ümumi mənzil satışlarında payı 1,8% olub.

Əcnəbilərə ən çox ev satışı Antalyada olub. Belə ki, adıçəkilən bölgədən əcnəbilər 593 ev alıb. Siyahıda ikinci yerdə 478 ev satışı ilə İstanbul, üçüncü pillədə isə 116 ev satışı ilə Mersin qərarlaşıb.

Bəs, iyun ayında Türkiyədən ən çox hansı ölkə vətəndaşları ev alıb?

Rusiya Federasiyası – 332

İran – 156

Ukrayna – 102

Qeyd edək ki, Azərbaycan siyahıda yer almayıb.

Sadiq Cavadov