Türkiyədə son günlər baş verən bütün meşə yanğınları söndürülüb. Buna baxmayaraq sentyabrın 15-dək respublika ərazisində yüksək yanğın təhlükəsi rejimi olacaq.

İqtisadiyyat.az xəbər verir ki, bu barədə ölkənin kənd təsərrüfatı naziri İbrahim Yumaqlı “24” telekanalının efirində deyib.

“Dörd gün ərzində bizdə 306 təbii yanğın baş verib. onların hamısı, demək olar ki, söndürülüb. Biz sentyabrın 15-dək yüksək yanğın təhlükəsi rejimindəyik”, - deyə nazir bildirib.

Onun sözlərinə görə, Türkiyənin meşə yanğınsöndürmə qüvvələri 26 təyyarə, 105 helikopter, 14 PUA və 5 mindən çox yerüstü texnikadan ibarətdir: "25 min əməkdaşımız yanğınla mübarizə aparır, 130 minə yaxın könüllü isə onlara kömək edir", - nazir qeyd edib.

Ötən həftə Türkiyənin qərb və şimal-qərbində İzmir, Aydın, Muğla, Manisa və Bolu vilayətlərində meşə yanğınları baş verib.

 

Sadiq Cavadov