Türkiyədə, Çorum şəhərində beşmərtəbəli yaşayış binasının üçüncü mərtəbəsində baş verən güclü partlayış nəticəsində xəsarət alanların sayı 33-ə çatıb.

İqtisadiyyat.az xəbər verir ki, hadisə nəticəsində yaralananların sayı artmaqdadır. Təcili yardım xidmətləri hadisə yerindədir və yaralıların vəziyyəti ilə bağlı məlumatlar dəqiqləşdirilir. Partlayışın səbəbi hələlik açıqlanmır.

Təcili yardım xidmətləri hadisə yerinə cəlb edilib.

Partlayış nəticəsində binanın bir neçə mərtəbəsi demək olar ki, tamamilə dağılıb. Eyni zamanda, yaxınlıqdakı tikililərə və küçədəki avtomobillərə də ziyan dəyib.

***

17:17

Türkiyənin Çorum şəhərindəki yaşayış binasında partlayış baş verib.

İqtisadiyyat.az İHA-ya istinadən xəbər verir ki, partlayış nəticəsində 1 nəfər ölüb, 17 nəfər yaralanıb.

Məlumata görə, Osmancık küçəsində yerləşən binanın 3-cü mərtəbəsindəki mənzildə məişət qazı partlayıb.

Partlayış nəticəsində binanın bir neçə mərtəbəsi tamamilə dağılıb.