Türkiyə Xarici İşlər Nazirliyi baş vermiş qatar qəzası ilə bağlı Yunanıstana başsağlığı verib.
APA xəbər verir ki, başsağlığında deyilir:
“Yunanıstanda dünən gecə baş verən qatar qəzasında çox sayda insanın öldüyünü və yaralandığını kədərlə öyrəndik. Qəzada həyatını itirənlərin yaxınlarına, Yunanıstan xalqına və hökumətinə başsağlığı verir, yaralılara təcili şəfalar diləyirik”.
Qeyd edək ki, gecə saatlarında Yunanıstanda sərnişin və yük qatarı toqquşub. Son məlumatlara görə, 32 nəfər ölüb, 85 yaralı var.