Türkiyə ilə Birləşmiş Ərəb Əmirlikləri arasında kosmos və süni intellekt üzrə əməkdaşlıq baş tutacaq.

İqtisadiyyat.az türk mediasına istinadən bildirir ki, bu barədə Türkiyənin Sənaye və Texnologiya naziri Mehmet Fatih Kacır məlumat verib. 

Onun sözlərinə görə, bu əməkdaşlıq hər iki ölkə arasında texnologiya və investisiya sahəsində imzalanan müqavilələr çərçivəsində nəzərdə tutulub. Belə ki, sözügedən müqavilə iki ölkənin rəqəmsal transformasiya vəinfrastruktur layihələrinin inkişafına imkan yaradacaq:

"Bu razılaşma ilə iki ölkənin inkişaf etməkdə olan kosmik iqtisadiyyatdakı payının artırılması hədəflənir. Strateji əməkdaşlıq sayəsində ortaq buraxılış bazasının yaradılması və buraxılış aparatının inkişafı imkanları daha da artacaq".