Türkiyədə yaradılması planlanan "Polad Qübbə" milli hava hücumundan müdafiə sisteminin əsasını təşkil etməli olan Türkiyənin "Hisar-O" orta mənzilli zenit-raket kompleksi uzaqmənzilli raketin buraxılışını uğurla həyata keçirib.

İqtisadiyyat.az xəbər verir ki, bu barədə Türkiyənin Müdafiə Sənayesi Nazirliyi məlumat yayıb.

"Şərti hədəf" Hisar-O" batareyasından atılan raketdən 40 km-dən çox məsafədən birbaşa vurularaq məhv edilib. Biz "Hisar-O" sisteminin effektiv uçuş məsafəsini yeni nəsil texnoloji yeniliklərlə artırmaq üçün işi davam etdirəcəyik", - idarənin bəyanatında deyilir.

Departament qeyd edir ki, yeni nəsil konfiqurasiyada hava hücumundan müdafiə sistemlərinin ilk partiyasının tədarükü 2024-cü ilin sonunadək planlaşdırılır.