Türkiyənin turizm gəliri bu ilin birinci rübündə illik müqayisədə 5,4% artaraq 8 milyard 784 milyon 800 min dollara çatıb.

İqtisadiyyat.az xəbər verir ki, bu barədə Türkiyə Statistika Təşkilatı bu ilin yanvar-mart ayları üzrə turizm statistikasını açıqlayıb.

Turizm gəlirlərinin 21 faizi xaricdə yaşayan və ölkəyə səfər edən vətəndaşlardan əldə edilib.

Ziyarətçilər səyahətlərini şəxsi və ya paket turlar kimi təşkil edirlər. Bu rübdə edilən xərclərin 7 milyard 775 milyon 627 min dollarını şəxsi xərclər, 1 milyard 9 milyon 174 min dollarını isə paket tur xərcləri təşkil edib.

Hesabat dövründə ölkədən gedən ziyarətçilərin sayı 10,1% artaraq 9 milyon 10 min 90 nəfərə çatıb. Bu rübdə Türkiyəyə gedən ziyarətçilərin orta gecəlik xərcləri 93 dollar olub. Xaricdə yaşayan vətəndaşların bir gecəlik xərci orta hesabla 64 dollar olub.

 

Gözəl Həşimova