Türkiyə Ticarət Nazirliyi toyuq əti ixracının bu ilin mayın 1-dən dekabrın 31-i tarixinə qədər aylıq maksimum 10 min ton, ilin sonuna qədər isə ümumilikdə 80 min tona qədər məhdudlaşdırılmasına qərar verib.

İqtisadiyyat.az xəbər verir ki, bu barədə Ticarət Nazirliyi quş əti ixracının məhdudlaşdırılması istiqamətində görülən tədbirlərlə bağlı mətbuata açıqlama verib.

“Məlum olduğu kimi, quşçuluq və ağ ət sektorunda dünyanın ən əhəmiyyətli istehsalçı və ixracatçı ölkələri arasında yer alan Türkiyə düzgün siyasətlərlə mövcud istehsal həcminə nail olunub. Sektor daxili tələbatı və xarici tələbatı birlikdə qarşılamaq qabiliyyətini uzun illərdir qoruyub saxlayır.

Son illərdə yaşanan regional və qlobal risklər dünya ərzaq qiymətləri indeksində artım tendensiyası yaradıb. 2024-cü ilin ilk aylarında toyuq ətinin qiymətinin artım tempinin ümumi inflyasiyanı, yem və enerji kimi məsrəf maddələrini, məzənnədə aylıq qiymət dəyişikliklərini üstələdiyi müşahidə edilib.

Təhlillər sübut edib ki, daxili bazarda istehlakçıların rifahını qorumaq üçün sözügedən məhsulun ixracı ilə bağlı bəzi tənzimləmələr etmək lazımdır", - məlumatda deyilir.

Gözəl Həşimova