"Türkiyə ilə Səudiyyə Ərəbistanı arasında azad ticarət sazişi bağlana bilər".
İqtisadiyyat.az türk mediasına istinadən bildirir ki, bunu Türkiyə-Səudiyyə Ərəbistanı Biznes Forumundan çıxış edən Türkiyənin ticarət naziri Ömər Bolat deyib.
Onun sözlərinə görə, iki ölkə arasında iqtisadi və ticarət əlaqələri getdikcə möhkəmlənir:
"Bu ilin ilk yarısında Türkiyə ilə Səudiyyə Ərəbistanı arasındakı xarici ticarət həcmi 3,4 milyard dollara çatıb. Məqsədimiz qarşılıqlı ticarəti qısa müddətdə 10 milyard dollara, uzun müddətdə isə 30 milyard dollara çatdırmaqdır. Ona görə də bütün gücümüzlə işləməyə davam edəcəyik.
Digər məsələ isə qarşılıqlı investisiyalardır. Hərtərəfli investisiya təşviqi proqramlarımızla qarşılıqlı sərmayələrimizin qısa müddətdə daha yüksək səviyyələrə çatacağına inanırıq".
