Türkiyənin Azərbaycandakı səfirliyi baş verən zəlzələlər səbəbilə “Azərbaycan vətəndaşlarının himayədar ailə ola biləcəyi” haqqında Azərbaycanın bəzi mətbuat orqanlarında dərc olunan xəbərlərə münasibət bildirib.
İqtisadiyyat.az xəbər verir ki, elan mətnində deyilir:
"Ölkəmizdə baş verən zəlzələlər səbəbilə uşaqlarımıza "Azərbaycan vətəndaşlarının himayədar ailə ola biləcəyi haqqında Azərbaycanın bəzi mətbuat orqanlarında xəbərlər dərc olunur. Türkiyə Respublikası Ailə və Sosial Xidmətlər Nazirliyinin elanı yalnız Türkiyədə yaşayan vətəndaşlarımızla bağlıdır. Uşaqlarımızın ölkədən xaricdə himayədar ailəyə verilməsi və ya övladlığa götürülməsi heç bir halda müzakirə mövzusu deyildir. İctimaiyyətin diqqətinə hörmətlə çatdırılır".
