Türkiyə Prezidenti Rəcəb Tayyib Ərdoğanın xarici siyasət və təhlükəsizlik məsələləri üzrə baş müşaviri Akif Çağatay Kılıç və ABŞ-nin milli təhlükəsizlik müşaviri Ceyk Sallivan arasında telefon danışığı olub.
İqtisadiyyat.az xəbər verir ki, bu barədə "TRT Haber" məlumat yayıb.
Məlumata görə, danışıq zamanı qlobal problemlər, Ukrayna, İraq və Kipr kimi bir çox regional məsələlər ətrafında fikir mübadiləsi aparılıb.
Akif Çağatay Kılıç həmçinin ABŞ Nümayəndələr Palatasının üzvləri Co Vilson, Din Fillips və Viktoriya Sparts ilə də görüşüb.
O, ABŞ Konqresinin Nümayəndələr Palatasının üzvləri ilə Prezident Administrasiyasında görüşdüklərini bildirib.
Tərəflər regional və qlobal məsələləri, iki ölkə arasındakı əlaqələri müzakirə edib. Kılıç səmərəli səfərə görə diplomatlara təşəkkür edib.
