Türkiyə iqtisadiyyatı bu ilin birinci rübündə 2,4% böyüyüb. Bununla da ölkədə iqtisadi artım "G20" ölkələrini üstələyib.
İqtisadiyyat.az xəbər verir ki, bu barədə İqtisadi İnkişaf və Əməkdaşlıq Təşkilatının (İƏİT) açıqladığı ilin birinci rübünün aparıcı iqtisadi artım məlumatlarında deyilir.
Məlumata görə, "G20" ölkələrinin bu ilin birinci rübündə iqtisadi artımı orta hesabla 0,9% olub. Türkiyə bu dövrdə "G20" ölkələri arasında ən yüksək iqtisadi artıma malik ölkə olub.
İqtisadi göstəricilərin hərəkətverici qüvvəsi isə Çin və Hindistan iqtisadiyyatlarındakı artım olub.
"G20" ölkələri arasında 2,4%-lə ən yüksək iqtisadi artımı əldə edən ölkə Türkiyə olarkən, onu 1,9% ilə Hindistan, 1,6%-lə ilə Çin, 1,4%-lə Səudiyyə Ərəbistanı, 1,3%-lə Cənubi Koreya və 1,2%-lə İndoneziya izləyib.
Gözəl Həşimova
