Türkiyə parlamenti ölkənin ticarət qanunvericiliyinə dəyişiklikləri təsdiqləyib.

İqtisadiyyat.az dünya mediasına istinadən xəbər verir ki, bu gün parlamentdə müvafiq qanun layihəsinə səsvermə keçirilib.

Buna əsasən qiymətlərin həddindən artıq və əsassız artırılmasına və malların saxlanması ilə süni qıtlıq yaradılmasına görə cərimələr tətbiq edilir. Qanun pozuntularına görə 3000 dollardan 30000 dollara qədər cərimə tətbiq ediləcək.

Qiymət sabitliyinə nail olmaq, inflyasiyanı azaltmaq üçün Türkiyədə mal və xidmət istehsalçılarına qarşı yeni tənzimləyici tədbirlərin qəbulu zərurətə çevrilib. Təkcə son bir ildə 60 faizdən çox inflyasiya fonunda bir çox mal və xidmətlərin qiymətləri 10 faizdən çox artıb. Bu, eyni zamanda, maliyyə müstəvisində problemi kəskinləşdirir və sosial sabitliyin pozulmasını artırır.

 

Gözəl Həşimova