Türkiyə Daxili İşlər Nazirliyi 1-i narıncı kateqoriyada olan 4 terrorçunun zərərsizləşdirildiyini açıqlayıb.
İqtisadiyyat.az xəbər verir ki, bu barədə daxili işlər naziri Ali Yerlikaya açıqlama verib.
"Şəhidlərin qanı yerdə qalmadı, qalmayacaq", - nazir bildirib.
O qeyd edib ki, Jandarma qüvvələrinin izinə düşdüyü terrorçulara qarşı əməliyyat keçirilib.
Əməliyyatda 4 terrorçu zərərsizləşdirilib. Terrorçulardan birinin narıncı kateqoriyada olan "Agit" kod adlı Veysi Aydemir olduğu müəyyən edilib.
Zərərsizləşdirilən terrorçuların 2015-2021-ci illər arasında 11 əsgərin şəhid olduğu, 19-nun yaralandığı 5 hücumda iştirak etdiyi məlum olub.
Əməliyyat çərçivəsində terrorçulara kömək etdiyi müəyyən edilən 8 nəfər də saxlanılıb.