"Bu il Türkiyədəki bazarlar 1 milyonu keçərsə, o zaman Avropanın beşinci ən böyük bazarı olacağıq".

İqtisadiyyat.az türk mediasına istinadən bildirir ki, bu sözləri Türkiyənin avtomobil istehsalı ilə bağlı vəziyyətini dəyərləndirən  "Nissan Türkiyə"nin baş direktoru Charbel Abi Ghanem deyib. 

Onun sözlərinə görə, bu il  elektriklə işləyən avtomobillərin artım tempi müşahidə olunub.  Belə ki, əvvəllər bazarda 11 oyunçu var idisə,  hazırda oyunçuların sayı 22-yə çatıb. Bunun başlıca səbəbi isə tələbatın yüksək olmasıdır. 

"Biz artım proqnozumuzu 1 milyon ətrafında qurmuşuq. Əgər bu il Türkiyədəki bazarlar 1 milyonu keçərsə, o zaman Avropanın beşinci ən böyük bazarı olaraq  İspaniyanı keçəcək. 

Düşünürəm ki, bu il İspaniyanın 800-900 min avtomobili olacaq. 1 milyon avtomobil satılanda siz Avropanın ən böyük oyunçularından birinə çevrilirsiniz. Biz avtonom texnologiyalarımızı inkişaf etdirməyə çalışırıq. Qlobal hədəflərimizlə bağlı çox qərarlıyıq", deyə Ghanem vurğulayıb.