Türkiyənin ötən ay ixracı 13,6% artaraq 21 milyard 82 milyon dollara çatıb.

İqtisadiyyat.az xəbər verir ki, bu barədə Türkiyə Statistika Təşkilatı və Ticarət Nazirliyinin birgə hesabatında deyilir.

Hesabat dövründə ölkənin idxalı 9,2% azalaraq 27 milyard 853 milyon dollar olub.

Xarici ticarət kəsiri isə fevral ayında illik müqayisədə 44,2% azalaraq 6 milyard 771 milyon dollara enib.

 

Gözəl Həşimova