"ABC News", "Washington Post" və "Ipsos"un keçirdiyi sorğunun nəticələrinə görə, 100 günlük prezidentlikdən sonra Donald Tramp, son 80 ildə Amerika liderləri arasında ən aşağı reytinqə sahibdir.

İqtisadiyyat.az bu barədə dünya mediasına istinadən xəbər verir.

Araşdırmaya görə, respondentlərin yalnız 39%-i Trampın ölkəni idarə etmə tərzini bəyənir, 55%-i isə prezidentin fəaliyyətindən narazı olduğunu bildirib. Xüsusilə, respondentlərin 73%-i iqtisadiyyatın pis vəziyyətdə olduğuna inanır. Belə ki, respondentlərin 71%-i qiymət artımına səbəb kimi Trampın tətbiq etdiyi idxal rüsumlarını göstərir. Respondentlərin yalnız 31%-i ABŞ prezidentinin iqtisadiyyatın uzunmüddətli perspektivdə daha möhkəm təmələ malik olacağına dair arqumenti ilə razıdır.

Eyni zamanda respondentlərin 67%-i vətəndaşlığın doğum hüququ ilə ləğv edilməsinə, 66%-i Təhsil Nazirliyinin bağlanmasına qarşı çıxıb.

Beynəlxalq münasibətlərə gəlincə, respondentlərin 49%-i hesab edir ki, Tramp dünyada ABŞ liderliyini gücləndirməkdənsə, zəiflədib. Eyni zamanda respondentlərin 34%-i onun siyasətini dəstəkləyir.

 

Gözəl Azadəliyeva