ABŞ-nin keçmiş prezidenti Donald Tramp, Yevgeni Priqojinin qurduğu muzdlu “Vaqner” qrupunun Rusiya administrasiyasına qarşı üsyanı ilə bağlı amıqlama verib.

İqtisadiyyat.az xarici mətbuata istinadən xəbər verir ki, Tramp məsələ ilə bağlı deyib:

“Rusiyada böyük qarışıqlıq var, amma nə arzuladığınıza diqqət edin”.

Donald Tramp sosial media hesabında mövzu ilə bağlı qiymətləndirmə edib. Rusiyada baş verənləri böyük bir qarışıqlıq olaraq xarakterizə edən Tramp, sözügedən məsələdə diqqətli olmağa çağırıb.

"Növbəti daha pis ola bilər", - Tramp xəbərdarlıq edib. 

Xatırladaq ki, daha əvvəl 2024-cü il seçkiləri üçün kampaniyaya başlayan Tramp yenidən seçiləcəyi təqdirdə "Ukraynadakı müharibəni 24 saat ərzində həll edəcəyini" iddia edib.