İqtisadiyyat.az xəbər verir ki, bu barədə Ağ Evin rəhbəri sosial şəbəkə “Truth Social”dakı səhifəsində paylaşım edib.

“Düşünürəm ki, danışıq çox yaxşı keçdi”, – deyə Tramp qeyd edib.

O əlavə edib ki, Rusiya və Ukrayna dərhal atəşkəs və münaqişənin dayandırılması ilə bağlı danışıqlara başlayacaqlar.

Qeyd edək ki, Tramp və Putin arasında telefon danışığı qısa müddət əvvəl başa çatıb və bu söhbət iki saatdan çox davam edib. Rusiya prezidenti amerikalı həmkarı ilə Soçidə yerləşən “Sirius” təhsil mərkəzinin yeni musiqi məktəbi binasından danışıb. Putin söhbətin çox məzmunlu və olduqca səmimi keçdiyini vurğulayıb.