İqtisadiyyat.az xəbər verir ki, bu barədə "Reuters" agentliyi məlumat yayıb.

Agentliyin xəbərində bildirilir ki, ABŞ Ədliyyə Nazirliyinin əməkdaşları hökumətdəki fəaliyyətləri ilə bağlı heç bir məlumatı sosial şəbəkələrdə paylaşmamalıdırlar. Bu qərar, son zamanlar yeni təyin olunmuş siyasi fiqurların Trampı sosial mediada müdafiə etməsi və onun rəqiblərini tənqid etməsindən sonra verilib.

Mənbənin sözlərinə görə, bu dəyişiklik baş prokurorun müavini Todd Blanş tərəfindən həyata keçirilib. O, bəzi siyasi təyinatlı şəxslərin ritorikasından narahat olub.

"Reuters" yazır ki, nazirlik əvvəllər də əməkdaşların sosial media istifadəsinə məhdudiyyətlər qoyub – onlar gizli istintaqlardan və ya nazirliyin qərəzsizliyinə zərər vura biləcək siyasi motivli açıqlamalardan çəkinməli idilər. Lakin yeni qaydalar daha geniş miqyaslıdır.

Yeni qaydalara görə, əməkdaşlar sosial şəbəkələrdən elə şəkildə istifadə etməməlidirlər ki, bu, nazirliyin işinin səmərəliliyinə zərər vursun.