İqtisadiyyat.az xəbər verir ki, o, bu fikirlərini şəxsi "Truth Social" hesabında paylaşıb.

Tramp qeyd edib ki, tərəflər müdriklik, qarşılıqlı maraq və ticarət diplomatiyası vasitəsilə razılaşma əldə edə bilərlər. O, öz liderliyi dövründə Hindistan və Pakistan arasında vasitəçilik etdiyi razılaşmanı nümunə göstərərək, oxşar yanaşmanın burada da nəticə verəcəyini vurğulayıb.

“İki böyük lider danışıqlara ağıl və sağlam düşüncə ilə yanaşmalıdır. Onlar bunu edəcəklər”, – deyə Tramp bildirib.

O, həmçinin qeyd edib ki, Tehran və Təl-Əviv arasında atəşkəsin təmin olunması üçün bir sıra diplomatik telefon danışıqları və görüşlər artıq həyata keçirilib.