"Çin hakimiyyəti vitse-prezident Kamala Harrisin ABŞ-də keçiriləcək prezident seçkilərinin nəticələrinə görə Amerika administrasiyasının yeni rəhbəri olmasını istəyir". 

İqtisadiyyat.az xəbər verir ki, bu barədə Respublikaçılar Partiyasından prezidentliyə namizəd Donald Tramp "Fox Business" telekanalına müsahibəsində bildirib.

"Çin yəqin ki, Harrisi ABŞ Prezidenti kimi istəyir, çünki Çin mənim Çini başa düşdüyümü bilir. Ancaq Harris Çin niyyətlərini başa düşmür", - Tramp deyib.

Respublikaçının fikrincə, Çinin onu yenidən Ağ Evdə görmək istəməməsi onun prezidentliyi dövründə Çindən ABŞ-yə milyardlarla dollarlıq ödənişlər çıxara bilməsi ilə bağlıdır: "Çin mümkün olan hər şeyi edəcək, bu, bir az narahatlıq doğurur. Onlar Amerikanı zəiflətməyə davam etmək istəyirlər, amma mənimlə bunu edə bilməyəcəklər. Onlar məndən başqa hər kəsi Prezident görmək istəyirlər".