İqtisadiyyat.az xəbər verir ki, bu barədə "Reuters" məlumat yayıb.
Söhbət 2021-ci ildə imzalanmış fərmandan gedir. Həmin sənədə əsasən, 2030-cu ilədək ABŞ bazarında satılan avtomobillərin yarısı elektriklə işləyən olmalı idi.
Fərman hüquqi qüvvəyə malik olmasa da, həm yerli, həm də xarici avtomobil istehsalçıları üçün göstərici idi.
Tramp isə bəyan edib ki, hökumət tərəfindən ədalətsiz subsidiyalar və əsassız bazar təhrifləri ilə məcbur edilən elektromobil alışlarına dair məsələyə yenidən baxmağı planlaşdırır.
Bundan əlavə, ABŞ prezidenti doldurma stansiyalarına ayrılan xərclənməmiş dövlət vəsaitlərinin bölüşdürülməsini dayandırmağa qərar verib.
Eyni zamanda, Tramp elektromobil alıcıları üçün nəzərdə tutulan vergi güzəştlərinin ləğvini də istəyir.