"Amerika qoşunlarının Əfqanıstandan biabırçı şəkildə çıxarılması ABŞ-nin hazırkı administrasiyasının zəifliyi və səriştəsizliyi sayəsində mümkün olub".
İqtisadiyyat.az xəbər verir ki, bu fikri Respublikaçılar Partiyasından prezidentliyə namizəd Donald Tramp deyib.
"Kamala Harris və korrupsioner Co Baydenin zəifliyi və səriştəsizliyi ölkəmizin tarixində ən alçaldıcı hadisəyə və bütün dünya tarixində ən böyük hərbi fəlakətlərdən birinə səbəb oldu. Ordu hissələrinin Əfqanıstandan fəlakətli geri çəkilmələrinin dəhşətli görüntülərini heç kim unutmayacaq", - o, Şimali Karolinadakı tərəfdarlarına deyib.
Qeyd edək ki, Tramp 13 iyul tarixində baş verən sui-qəsd cəhdindən sonra ilk dəfə qarşısına qoruyucu şüşə qoyularaq açıq məkanda seçicilərinə səslənib.