Yaponiyanın avtomobil konsernləri "Toyota Motor" və "Mazda Motor", avtomobillərin təhlükəsizliyi və istismarı ilə bağlı məlumatları saxtalaşdırarkən tutulduqdan sonra beş modelin istehsalını dayandırıblar.
İqtisadiyyat.az xəbər verir ki, bununla bağlı Yaponiya Nəqliyyat Nazirliyi araşdırmaları davam etdirir.
"Toyota" "Corolla Axio sedan", "Corolla Fielder universal" və "Yaris Cross krossoveri"nin istehsalını dayandırır. Mazda şirkəti isə "Roadster RF" və "MAZDA2" modellərinin istehsalını dayandırıb.
Bu həftənin əvvəlində məlum olub ki, "Toyota" və "Mazda" da daxil olmaqla, beş böyük Yaponiya avtomobil istehsalçısı avtomobillərin təhlükəsizliyi və istismarı ilə bağlı məlumatları saxtalaşdırarkən tutulub.
Gözəl Həşimova
