Yaponiyanın üç ən böyük avtomobil istehsalçısı "Toyota Motor", "Honda Motor" və "Nissan Motor" avtomobillər üçün proqram təminatını birgə hazırlayacaq.
Bu barədə İqtisadiyyat.az "Yomiuri Shimbun" qəzetinə istinadən xəbər verir.
Məlumata görə, şirkətlər öz avtomobilləri üçün fərdi proqram təminatı sistemindən uzaqlaşaraq vahid birgə sistem hazırlamağı planlaşdırır. Birgə inkişafa 2025-ci ildə başlanmaq planlaşdırılır. Gələcəkdə bu prosesə digər Yaponiya avtomobil şirkətlərinin - "Suzuki", "Mazda", "Subaru" və "Mitsubishi Motors"un da cəlb edilməsi planlaşdırılır.
Konsernlər bu addımı atmağa ona görə qərar veriblər ki, onlar avtomobil, o cümlədən elektromobillər üçün proqram təminatı bazarında lider olan ABŞ və Çinlə rəqabət aparsınlar.
Gözəl Həşimova
