Hindistanın qərbindəki Maharaştra əyalətində güclü yağışlar səbəbilə yaranan torpaq sürüşməsi nəticəsində həyatını itirənlərin sayı 16-ya yüksəlib.
İqtisadiyyat.az dünya mediasına istinadən bildirir ki, çökən binaların altında qalan insanların axtarış-xilasetmə işləri davam etdirilir.
Hazırda 75 nəfərin xilas edildiyi, lakin xeyli insanın hələ də qapalı vəziyyətdə qaldığı qeyd edilib.
Dövlət rəsmiləri bildirir ki, axtarış-xilasetmə qrupları hava şəraiti və bölgənin relyefi ilə bağlı işlərini davam etdirməkdə çətinlik çəkirlər.
Ümumilikdə kənddəki 50 təsərrüfatdan 17-si sürüşmə nəticəsində dağılıb.