İqtisadiyyat.az Qazaxıstan KİV-lərinə istinadən xəbər verir ki, yeni qanun narkotik vasitələrin istehsalı, emalı və qanunsuz dövriyyəsinə görə cəza tədbirlərini ciddi şəkildə artırır.

Belə ki, bu cinayətlərə görə təqsirli şəxslər əmlakı müsadirə edilməklə 15 ildən 20 ilədək və ya ömürlük azadlıqdan məhrum edilə bilər. Vəzifəli şəxslərin narkotik dövriyyəsinə iştirakı isə daha sərt cəzalandırılır – əmlak müsadirəsi ilə 15 ildən 20 ilədək həbs cəzası.

Narkokuryerlər üçün isə müəyyən yüngülləşdirmələr edilib. İlk dəfə ağırlaşdırıcı hallar olmadan cinayət törədən kuryerlərə 5 ildən 8 ilədək həbs cəzası nəzərdə tutulur. Bunun səbəbi əksəriyyətinin gənclər olması və cinayətin təşkilatçılar tərəfindən manipulyasiya edilməsidir. Lakin təkrar cinayət halları üçün cəzalar daha ağırdır – 7 ildən 12 ilədək həbs.