Qazaxıstan İranla ticarət, iqtisadi və humanitar əməkdaşlığı artırmağı gözləyir. 

İqtisadiyyat.az xəbər verir ki, bunu Qazaxıstan Prezidenti Kasım-Jomart Tokayev İran lideri İbrahim Rəisiyə milli bayram - İslam İnqilabı Günü münasibətilə təbrikində deyib.

"Bu gün etibarlı siyasi təmələ və sabit iqtisadiyyata malik ölkəniz beynəlxalq birliyin mötəbər üzvüdür. Arzu edirəm ki, sizin rəhbərliyiniz altında milli birlik ideyasını bəyan edən İran bundan sonra da bu yolda davam etsin", - Qazaxıstan Prezidentinin mətbuat xidməti tərəfindən dərc olunan təbrikdə deyilir.

Tokayev qeyd edib ki, İran Qazaxıstanın Xəzər regionunda əsas tərəfdaşlarından biridir: "Əminəm ki, ənənəvi dostluq və siyasi dialoq əlaqələri bundan sonra da iki ölkə arasında qarşılıqlı faydalı ticarət-iqtisadi və mədəni-humanitar əməkdaşlığın möhkəmlənməsi üçün möhkəm əsas rolunu oynayacaqdır".