"Beynəlxalq ictimaiyyətin ədalətlilik və açıqlıq prinsiplərinə əsaslanan yeni çoxtərəfli ticarət sisteminə ehtiyacı var".

İqtisadiyyat.az xəbər verir ki, bu barədə Qazaxıstan Prezidenti Kasım-Jomart Tokayev deyib.

Onun sözlərinə görə, prioritet yalnız seçilmiş bir neçə ölkənin faydalanması deyil, bütün ölkələr üçün bərabər imkanlar olmalıdır:

"Bu gün artan ticarət maneələri, proteksionizm və müqavilələrin pozulması qlobal iqtisadiyyat üçün ciddi problemlər yaradır. Bu problemlərin həlli ədalətsiz ticarət maneələrinin aradan qaldırılmasını və rəqəmsallaşma yolu ilə təchizat zəncirlərinin şəffaflığının artırılmasını tələb edir.

Qlobal maliyyə sisteminə yeni yanaşmalar tətbiq edilməlidir. Beləliklə, prioritet yalnız seçilmiş bir neçə ölkənin xeyrinə deyil, bütün ölkələr üçün bərabər imkanlar olmalıdır".

Bundan əlavə, Qazaxıstan lideri beynəlxalq ictimaiyyəti davamlı maliyyələşdirmə sahəsində daha effektiv tədbirlər görməyə çağırıb.

 

Gözəl Həşimova