Çin sosial şəbəkəsi TikTok, yetkinlik yaşına çatmayanların şəxsi məlumatlarının təhlükəsizliyi ilə bağlı qanunları pozduğuna görə Avrop İttifaqı tərəfindən 345 milyon avro cərimələnib. 

İqtisadiyyat.az xəbər verir ki, bu barədə İrlandiyanın Məlumatların Mühafizəsi üzrə Komissarının İdarəsi məlumat yayıb. Qərarda deyilir: “Şəxsi profil parametrlərinin ictimaiyyətə açıq olması faktı platformaya daxil olan 13 yaşdan kiçik uşaqlar üçün bir sıra potensial risklər yaradırdı”. 

Komissarlıq həmçinin qeyd edib ki, TikTok tətbiqi istifadəçiləri videoları qeydiyyatdan keçirərkən və yükləyərkən daha az məhdudlaşdırıcı məxfilik parametrlərini seçməyə təşviq edir. 

Vurğulanıb ki, bu, istifadəçinin maraqlarına zidd hərəkətlər etməyi asanlaşdıran tünd naxışlar (dark patterns) adlanan - interfeysin və tətbiqin işinin xüsusiyyətlərindən istifadə etməklə həyata keçirilib.