Yaponiyadakı həkimlər və stomatoloqlar qərəzli şərhlər dərc etdiyinə görə "Google" şirkətini məhkəməyə veriblər.

İqtisadiyyat.az xəbər verir ki, Yaponiyada 63 səhiyyə işçisi “Google Maps"də yazılan əsassız neqativ şərhlərin onların bizneslərinə mənfi təsir göstərməsi səbəbi ilə qanuni addım atıb.

Tokio Məhkəməsində şikayətçilər "Google"un müvafiq tədbir görmədiyini iddia ediblər.Buna görə də həkimlər "Google" şirkətinə qarşı 1,4 milyon yen (9 min dollar)  təzminat iddiası qaldırıblar.

Qeyd edək ki, "Google Maps" tətbiqində istifadəçilər bizneslər və bu bizneslərdən aldıqları xidmətlər haqqında şərhləri sərbəst paylaşa və 1 ilə 5 arasında səsvermə yolu ilə qiymətləndirə bilərlər. Tətbiqdə iş saatları və məkanlar da daxil olmaqla digər məlumatlar da açıq şəkildə dərc olunur.

 

Gözəl Həşimova