ABŞ-nin texnologiya nəhəngi Meta-nın sahibi Mark Zukerberq "Threads" sosial media platformasının istifadəçilərinin sayının azaldığını açıqlayıb.

İqtisadiyyat.az xəbər verir ki, bir müddətdir istifadəçi sayında sezilən azalmanı bu gün Zukerberq etiraf edib.

"100 milyondan çox istifadəçiniz varsa, onların hamısının və ya yarısının orada qalması ideyası yaxşı olardı. Biz hələ o mərhələdə deyilik", - Zukerberq deyib. 

Zukerberq "Threads"ə yeni funksiyaların gələcəyini də bildirib və tətbiqin virtual reallığa uyğun olaraq hazırlanacağını vurğulayıb.

Məşhur sosial media platforması "Twitter"ə rəqib olaraq təsis edilib.

İlk 5 gündə 100 milyon insan platformaya üzv olmuş, bu rəqəm sosial media platformaları üçün rekord kimi qeyd edilmişdi.