Meta-nın "Twitter"ə rəqib olan yeni sosial media platforması "Threads"in istifadəçi sayı 70 milyona çatıb.
"Operativ Media" xəbər verir ki, bu barədə Meta şirkətinin baş icraçı direktoru (CEO) Mark Zukerberq məlumatı yayıb.
"Bu səhərə olan məlumata görə, "Threads"də 70 milyon istifadəçinin qeydiyyatı olub. Bu rəqəm gözləntilərimizdən də çoxdur", - Zukerberq bildirib.
Qeyd edək ki, Meta "Threads"ə qədər "Facebook", "Instagram" və "WhatsApp" kimi sosial şəbəkələri özündə birləşdirirdi.
