"Regionda yeni düzən formalaşır. Yeni terror riski və İrana etimadın olmaması səbəbindən Azərbaycan Tehrandakı səfirliyini bağlamaq məcburiyyətində qaldı. İrəvan ilə qardaşlaşan qonşu ölkə müsəlman Azərbaycan dövlətinin İran səfirliyinin təhlükəsizliyini təmin etmədi və etmir. Maskaları cırılan cənub qonşumuz riskli oyunlar oynayır. Risk etmək isə heç də hər zaman sonda şampan içmək anlamına gəlməməlidir."

İqtisadiyyat.az xəbər verir ki, bu fikirləri deputat Vüqar Bayramov bildirib.

O, deyib ki, Azərbaycan tərəfdaşları əməkdaşılığı genişləndirir:

"Tezliklə Azərbaycanın İsraildəki səfirliyi öz işinə başlayacaq. Bu yeni əməkdaşlıq platformasıdır. Qazanan region olacaq. İtirən isə terroru maliyyələşdirənlər."