Texnologiya şirkətlərində bu il işçi ixtisarları keçən ilin eyni dövrü ilə müqayisədə 61% azalsa da, bu proses davam edir.

İqtisadiyyat.az "Bloomberg"ə istinadən xəbər verir ki, bu ilin iki ayı ərzində texnologiya sektorunda 50 min insan işdən çıxarılıb.

"Google", "Microsoft" və "Amazon" da daxil olmaqla şirkətlər bu il işçilərini ixtisar etməyə davam edir.

Məlumata görə, 191 texnologiya şirkəti ilin ilk 2 ayında 49 min 736 nəfəri işdən çıxarıb. Ötən ilin eyni dövründə təxminən 130 min adam işdən çıxarılıb. Ümumillikdə, 2023-cü ildə texnologiya şirkətlərində işdən çıxarılanların sayı 263 min nəfərə çatıb.

 

Gözəl Həşimova