ABŞ-nin Texas ştatında meşə yanğınları səbəbindən fəaliyyətini dayandıran "Pantex" nüvə silahı zavodu fəaliyyətini bərpa edib.

İqtisadiyyat.az xəbər verir ki, bu barədə şirkətin "X" hesabında qeyd edilib.

"Pantex zavodu açıqdır. Bütün işçilər öz cədvəllərinə uyğun olaraq işə hesabat verməlidirlər", - şirkətdən bildirilib. 

"Pantex" zavodu 65 kvadratmetr sahəni tutur. Amarillo şəhərindən 27 km şimal-şərqdə yerləşir. Müəssisə ABŞ Energetika Nazirliyi tərəfindən idarə olunur. Fevralın 27-də zavod Texasın bir neçə qraflığında meşə yanğınları ilə əlaqədar işçilərini təxliyə edib və fəaliyyətini dayandırıb.

Bu gün qubernator Qreq Abbott meşə yanğınlarına görə 60 əyalətdə fövqəladə vəziyyət elan edib.