İqtisadiyyat.az xəbər verir ki, bu barədə "Reuters" məlumat yayıb.

Bu məlumat "Deutsche Bank"ın "Tesla"nın investorlarla əlaqələr üzrə rəhbəri ilə keçirdiyi görüşdən sonra açıqlanıb.

Şirkət eyni zamanda gələn ilin ilk yarısında daha ucuz model avtomobilin istehsalına başlamağı planlaşdırdığını təsdiqləyib. Robot taksi xidmətinin ilkin mərhələdə Kaliforniya və Texasda istifadəyə verilməsi gözlənilir.

Bankın hesabatına əsasən, "Tesla" təhlükəsizlik və ehtiyat tədbirləri üçün ən azı başlanğıc mərhələsində teleoperatorlardan istifadə etməyi vacib hesab edir. Şirkət xidmətə tamamilə özünə məxsus avtomobil parkı ilə başlamağı və səfərləri izləmək üçün öz tətbiqindən istifadə etməyi planlaşdırır.

Bundan əlavə, "Deutsche Bank" "Tesla"nın səhmləri üçün hədəf qiyməti 295 dollardan 370 dollara qaldırıb. Bunun ardınca "Tesla"nın səhmləri birjalarda 1%-ə yaxın azalaraq 386,04 dollara düşüb.