Təqaüd yaşına çatmış tibb personalının, xüsusilə həkimlərin xüsusi kurs keçəndən sonra regionlarda ailə həkimi kimi fəaliyyət göstərməsi təklif edilir.
İqtisadiyyat.az xəbər verir ki, bunu Milli Məclisin Səhiyyə komitəsinin iclasında "İlkin səhiyyə xidməti: mövcud vəziyyət, görülən işlər, problemlər və onların həlli yolları” mövzusunda ictimai dinləmədə Səhiyyə Nazirliyinin Tibb müəssisələrinin Akkreditasiyası və keyfiyyətə nəzarət Mərkəzi PHŞ-ın İdarə Heyətinin sədri vəzifələrini müvəqqəti icra edən Şərafət İsmayılova deyib.
O qeyd edib ki, Azərbaycanda ailə həkimi sahəsində çatışmazlıqlar var: “30 nəfər imtahandan keçib, amma yalnız 5 nəfər proqramı yekunlaşdıra bilib. Bu say ilkin səhiyyə xidmətində ailə həkiminə olan tələbatı ödəmir. Ailə həkimi kimi çalışa biləcək pediatrlarımız, digər həkimlərimiz var. Tibb Universitetində ailə həkimi hazırlanması üçün də işlər görülməlidir”.
Elçin Mehdiyev