Bərpa olunan enerji mənbələrindən istifadə edərək enerji istehsal etməyi hədəfləyən 174 ölkədən 37-si bu istehsalı tamamilə təmiz mənbələrdən qarşılamağı hədəfləyir.

İqtisadiyyat.az xəbər verir ki, bu barədə Anadolu Agentliyi 21-ci Əsrin Bərpa Olunan Enerji Siyasəti Şəbəkəsi-nə istinadən məlumat yayıb.

Qlobal bərpa olunan enerji sərmayələri keçən il əvvəlki ilə nisbətən yüzdə 17,2 artarkən, bu dövrdə yeni qurulan bərpa olunan enerji gücü 348 gigavat olub.

Enerji istehlakında istilik, yanacaq və elektrik enerjisi sektorlarında bərpa olunan enerji transformasiyasının təsiri ön plana çıxsa da, elektrik enerjisinin, o cümlədən istilik və nəqliyyatın qlobal enerji təchizatında payı 2010-cu ildə 19 faiz, 2020-ci ildə 23 faizə çatmışdır.

Məlumata görə, elektrikləşdirmə bütün sahələrin enerji tələbatının ödənilməsində böyük rol oynayıb. Belə ki, bütün sektorlarda bərpa olunan enerjinin payı artdığı halda, ötən il qlobal elektrik enerjisi istehsalının 30 faizi təmiz mənbələrdən təmin edilib.