Rəsmi Təl-Əvivdən verilən açıqlamaya görə, əməliyyatlar əsasən İranın nüvə proqramı və hərbi infrastrukturu üzərində cəmləşib.

İqtisadiyyat.az xəbər verir ki, Baş nazir Benyamin Netanyahunun ofisinin müşaviri Dmitri Gendelman bildirib ki, İsrail Ordusu İranda yerləşən ballistik raket qurğularını, hərbi bazaları və strateji obyektləri hədəf alaraq genişmiqyaslı hücumlarını davam etdirir.

“Əməliyyatlar tam dəqiqliklə aparılır. Kəşfiyyat məlumatlarına əsaslanaraq, İranın təcavüzkar siyasətinə cavab olaraq onlarla obyektə zərbələr endirilir”, – deyə Gendelman bildirib.