"Rusiya və İranın dünya bazarlarında mövcudluğunu təmin etmək üçün Rusiya-İran birgə konsorsiumunun yaradılması lazımdır".
İqtisadiyyat.az xəbər verir ki, bunu Tehran valisi Əlirza Fəxhəri “Made in Russia” beynəlxalq forumunun sessiyasında təklif edib.
"İran və Rusiya bir-biri ilə qarşılıqlı əlaqədə olmaqla, Afrika, Asiya və hətta Avropada yeni ümumi bazarlarda mövcudluğu planlaşdıra biləcəklər", - deyə Fəxhəri bildirib.
Onun sözlərinə görə, Rusiya və İran yeni əməkdaşlıq strategiyaları yaratmalı və özəl sektorun potensialından istifadə etməlidir.