Dünyada 3 mindən çox növ təbii fəlakətlər səbəbindən yox olmaq təhlükəsi ilə üz-üzədir.
İqtisadiyyat.az xarici mediaya istinadən xəbər verir ki, bu növlərin çoxu adalarda və ya zəlzələlərə, qasırğalara və ya vulkan püskürmələrinə həssas olan ərazilərdə yaşayır.
Tədqiqatçılar dərhal qoruyucu tədbirlər görməyi tövsiyə edirlər. Təbii fəlakətlər məməlilərin, quşların, sürünənlərin və suda-quruda yaşayanların yox olma riskini artırır.
Araşdırmaya əsasən, zəlzələ, qasırğa, sunami və vulkan püskürmələri kimi təbii fəlakətlərin 3 mindən çox onurğalıları yox olmaq təhlükəsi ilə üz-üzə qoyur.
Qeyd edilib ki, dünyada 8813 növün çox az populyasiyası və məhdud yaşayış sahəsi var. Hesablamalara görə, bu növlərin 42 faizinə (3722) son 50 ildə bir və ya bir neçə təhlükəli təbii hadisənin baş verdiyi ərazilərdə rast gəlinir.
Bu növlərin qorunması biomüxtəlifliyin qorunması üçün çox vacibdir.
Gözəl Həşimova
