“TBC Kredit” bank olmayan kredit təşkilatı (BOKT) 2023-cü ili 1,27 milyon manat xalis mənfəətlə başa vurub. 

İqtisadiyyat.az-ın hesablamasına görə, ötən il “TBC Kredit”in xalis mənfəəti əvvəlki illə müqayisədə 17.7% və ya 272 min manat azalıb. 2022-ci ildə təşkilatın xalis mənfəəti 1,54 milyon manat təşkil edib. 

Hesabat dövründə təşkilatın əməliyyat gəlirləri 20.9% artaraq 3,51 milyon manata, vergidən əvvəlki mənfəəti isə 12.6% azalaraq 1,41 milyon manata enib. 

Ötən il təşkilatın cəmi aktivlərinin həcmi əvvəlki illə müqayisədə 18.7% və ya 3,2 milyon manat artaraq 20,52 milyon manat olub. Hesabat dövründə təşkilatın kredit portfeli (11,7 mln. manat) aktivlərin 57%-ni təşkil edib.

Bu dövrdə təşkilatın cəmi öhdəliklərin həcmi 28.7% və ya 1,96 milyon manat artaraq 8,79 milyon manata bərabər olub.

2024-cü il yanvar ayının 1-nə “TBC Kredit”in cəmi kapitalı 11,73 milyon manata bərabər olub ki, buda illik müqayisədə 12% çoxdur.

Qeyd edək ki, 2018-ci ildən “TBC Kredit”in yeganə səhmdarı Gürcüstanın aparıcı banklarından biri olan “TBC Bank”dır.