Bu günə qədər ölkə üzrə taxıl zəmilərinin 77,2 %-də biçin tam başa çatıb.
İqtisadiyyat.az Kənd Təsərrüfatı Nazirliyinə istinadən xəbər verir ki, sahələrdən 2 468 767 ton məhsul yığılıb, taxıl üzrə orta məhsuldarlıq 31,6 sent/ha təşkil edir.
Hazırda əsas biçin prosesi buğda sahələrində gedir. Bugünədək ölkə üzrə buğda sahələrinin 66,1 %-də biçin aparılıb. Biçin başa çatmış 387613 hektar sahədən 1 307 992 ton buğda yığılıb. Hazırda buğda üzrə orta məhsuldarlıq 33,7 sentner təşkil edir.
Arpa sahələrində də biçin prosesi tam yekunlaşmaq üzrədir. Hazırda yalnız yüksək dağlıq ərazilərdə yerləşən əkin sahələrində arpa biçini aparılır. Arpa üzrə orta məhsuldarlıq 29,5 sentnerə çatıb.
Biçin prosesində 1607 kombayn iştirak edir. Bunlardan 556 kombayn “Aqroservis” ASC-nin, 1051 kombayn isə fiziki və hüquqi şəxslərin özəl mülkiyyətində olan texnikalardır. Hazırda aktiv biçin Cəlilabad, Füzuli, İsmayıllı, Şəki və Tovuz, Qusar rayonlarında aparıldığından bu rayonlara dislokasiya edilmiş kombaynların ümumi sayı 738-ə çatıb.
