Türkiyənin verdiyi zəmanətlə açılan "Taxıl dəhlizi" ilə son 11 ayda 987 gəmi ilə 32 milyon tondan çox taxıl daşınıb.

İqtisadiyyat.az xəbər verir ki, bu barədə Türkiyənin Nəqliyyat və İnfrastruktur Naziri Abdulkadir Uraloğlu Rusiya-Ukrayna müharibəsi səbəbilə "ərzaq böhranı" riskini aradan qaldırmaq üçün yaradılan "Taxıl dəhlizi"ni dəyərləndirib.

Onun sözlərinə görə, bu dövrdə ən çox yük daşınan ölkələr Çin, İspaniya, Türkiyə və İtaliya olub: "Türkiyə ən çox taxıl daşındığı üçüncü ölkə olub. 44 ölkənin yer aldığı siyahıda 987 gəmidən 290-ı Türkiyəyə məxsusdur. Taxıl dəhlizi vasitəsi ilə arpa, buğda, noxud, qarğıdalı, soya, emal edilmiş qarışıq qida, günəbaxan toxumu, unu və yağı daşınıb. Bu dövrdə Afrika ölkələrinə göndərilən taxılın miqdarı isə 2 dəfə artıb".