Əfqanıstanda hakimiyyətdə olan "Taliban" hərəkatı qəbul edilən qanunları və verilən qərarları tənqid etməyi KİV-lərə qadağan edib.

İqtisadiyyat.az xəbər verir ki, bu barədə Əfqanıstan Jurnalistləri Mərkəzi (AFJC) məlumat yayıb.

"Taliban hökuməti Kabildə bir neçə KİV rəhbərliyi ilə keçirilən görüş zamanı onlara yeni qaydalar barədə məlumat verib. Bu qaydalar siyasi proqramların canlı yayımlanmasını və "Taliban"ın qanunlarını və siyasətini tənqid etməyi qadağan edir", - deyə məlumatda qeyd edilir. 

Bu qaydaları pozan media işçiləri və onların rəhbərliyi məsuliyyətə cəlb olunacaq.

Jurnalistlər bu qadağaları ölkədəki azad KİV-ləri daha da zəiflətmək və boğmaq cəhdi kimi qiymətləndirirlər.