Əfqanıstanda hakimiyyətdə olan Taliban hərəkatı kişilərə cins şalvar geyinməyi və dəbli saç düzümünü qadağan edib.

İqtisadiyyat.az xəbər verir ki, bu barədə "Washington Post" (WP) yazıb.

Nəşrin yazdığına əsasən, avqustun sonunda qəbul edilən yeni qanunlar xarici görünüş və davranış baxımından qeyri-müsəlmanları təqlid etməyi qadağan etmək məqsədi daşıyır. Belə ki, ölkə sakinləri dəbli saç kəsdirə, saqqallarını yumruqlarından qısa kəsə, cins şalvar geyinə bilməzlər.

Bundan əlavə, indi kişilərə öz arvadlarından və ya qohumlarından başqa qadınlara baxmaq qadağandır.

Yeni qanunlar əxlaq polisinə şübhəliləri üç günə qədər həbs etmək səlahiyyəti verir. Aydınlaşdırılır ki, qaydaları pozan kişiləri cərimə və ya həbs cəzası gözləyir.